Lifandi rými
Ímyndum okkur að veggirnir og hlutirnir í kringum okkur séu lifandi hluti af hringrás umhverfisins.
Í stað þess að umlykja okkur efnum sem losa út eiturefni í umhverfið, eins og flest MDFgerir (mikið notað í innréttingar) , þá getum við valið efni sem vinna með okkur.
Sum náttúruleg efni hafa þann eiginleika að draga í sig ósýnileg eiturefni og hreinsa loftið.
Ullin bindur t.d. skaðleg efni úr andrúmsloftinu á meðan viður dregur í sig raka og losar hann aftur út þegar loftið verður þurrt.
Með því að velja efni sem anda og vinna í takt við náttúruna sköpum við rými sem nærir okkur, verndar og verða hluti af okkur.
Meðvituð ákvörðun
Flestir myndu velja umhverfisvænt og heilnæmt en það getur verið flókið.
Á markaðinn koma stöðugt inn ný efni sem reynast svo skaðleg, en þá eru þau oft búin að dreifast víða.
Í heimi þar sem grænþvottur er hávær og markaðssetning gefur stundum til kynna meiri sjálfbærni en gögn styðja, getur verið erfitt að greina á milli raunverulegra gæða og innantómra loforða.
Betri valkostir eru ekki alltaf aðgengilegir eða þeir takmarkast af reglugerðum og kostnaði.
Að velja heilsusamlega er því ekki bara spurning um útlit, heldur um að þora að spyrja gagnrýninna spurninga og kafa aðeins dýpra.
Leiðin til betri innvistar
Þrátt fyrir flækjustig er hægt að velja leiðir sem styðja við heilbrigða innvist.
Annars vegar má leita í náttúruleg efni eins og ull og við sem bæta innivist, og hins vegar í nýsköpun sem hafnar skaðlegum bindiefnum.
Með því að þekkja efnasamsetningu og vottanir finnum við valkosti, eins og lífrænt litaðar trefjaplötur, sem lágmarka mengun innandyra.
Þegar við veljum efni sem eru gagnsæ í framleiðslu, tryggjum við loftgæði rýmisins.
Markmiðið er að setja hér inn efni sem ég hef uppgötvað í gegnum verkefni mín; bæði lausnir sem fást hérlendis og áhugaverða valkosti sem notaðir eru í nágrannalöndum okkar og fróðlegt er að kynnast.